Banorët e Liqenit të Thatë kanë ngritur shqetësimin lidhur mungesën e ndriçimit dhe amortizimin e rrugëve. Ata shprehen se Bashkia e Tiranës nuk u përgjigjet edhe pse kanë bërë kërkesë zyrtare, banorët apelojnë që të merren masa urgjente për situatën e krijuar.
Amortizimi i rrugëve dhe mungesa e ndriçimit është një shqetësim për një pjesë të banorëve të liqenit të Thatë. Familjet që jetojnë në pallatin 54 ia kanë bërë të ditur bashkisë situatën përmes një shkrese zyrtare , por ende nuk kanë marrë përgjigje.
"Nuk ka trotuare, nuk ka as emërtim rruge, as ndriçim asgjë. Nëpërmjet kësaj letre i kemi kërkuar bashkisë që të bëjë rregullimet, por nuk kemi marrë asnjë përgjigje"
Zgjidhje banorët kërkojnë dhe për sigurinë e sahateve, të cilat janë vendosur në katet e para dhe të pambrojtura.