Një efektiv i Policisë Rrugore në Tiranë, ka mbetur i lënduar si pasojë e kundërshtisë dhe përplasjes me makinë nga një i ri.
Efektivët e komisariatit Nr. 6, në bashkëpunim me Policinë Rrugore bënë arrestimin në flagrancë të A. LL., 33 vjeç, banues në Tiranë.
Arrestimi i tij u bë pasi, gjatë patrullimit në Unazën e Re, patrulla e policisë së qarkullimit rrugor i ka bërë shenjë ndalimi drejtuesit të mjetit sepse qarkullonte pa rrip sigurimi.
Por gjatë komunikimit të masës administrative të dhënë nga ana e tyre për shkeljen e kryer, 33-vjeçari ka kundërshtuar me dhunë punonjësit e Komisariatit të Policisë Rrugore Tiranë dhe më pas në tentativë për t’u larguar, ka goditur me mjet punonjësin ep, duke i shkaktuar dëmtime në këmbë.
Në cilësinë e provës materiale u sekuestrua mjeti që drejtonte A. LL, ndërkohë që ndaj tij materialet i kaluan Prokurorisë, për veprat penale “Kundërshtimi i punonjësit të policisë së rendit publik dhe “Vrasja me dashje, e mbetur në tentativë”.
