Tiranë, ndalohen fluturimet drejt 10 aeroporteve italiane

Tirana

Tiranë, ndalohen fluturimet drejt 10 aeroporteve italiane

Më: 9 mars 2020 Në ora: 11:16
Foto ilustrim

Autoriteti Aviacionit Civil njoftoi sot pezullimin e fluturimeve për dhe nga Tirana drejt disa qyteteve të Italisë.

“Në vijim të situatës së krijuar në Itali për shkak të përhapjes së COVID-19, masave të marra nga qeveria italiane për vendosjen e karantinës në veri të Italisë, si dhe masave parandaluese të përhapjes së virusit në vendin tonë, në zbatim të urdhrit të Ministrisë së Infrastrukturës dhe Energjisë, ndalohen të gjitha fluturimet për dhe nga Aeroporti Ndërkombëtar “Nënë Tereza” dhe:

Aeroporti Milano Malpensa (MXP)

Aeroporti Milano Bergamo (BGY)

Aeroporti Bologna (BLQ)

Aeroporti Firenze (FLR)

 

Aeroporti Genoa (GOA)

Aeroporti Perugia (PEG)

Aeroporti Pisa (PSA)

Aeroporti Rimini (RMI)

Aeroporti Venezia (VCE)

Aeroporti Verona (VRN)”, thuhet në njoftimin e AAC

Autoriteti Aviacionit Civil ka lëshuar menjëherë udhëzimin drejtuar Aeroportit Ndërkombëtar “Nënë Tereza” dhe ofruesit të shërbimit të lundrimit ajror “Albcontrol” për nxjerrjen e njoftimeve të nevojshme për zbatimin e këtij kufizimi të fluturimeve për/nga aeroportet e lartpërmendura, deri në një njoftim të dytë.

Shfaq komentet
comments powered by Disqus
Sot mund të lexoni Shfletoni kopertinat