Tirana sot: Policë e ushtarë në rrugë, biznese të mbyllura
14/03/2020 - 16:04
Biznese të mbyllura dhe forca të policisë dhe ushtrisë në rrugë.
Kjo është pamja e kryeqytetit të shtunën.
Bizneset kanë ulur qepenat, por në rrugë numri i këmbësorëve ishte i konsiderueshëm.
Rezet e ngrohta dhe ajri disi më i pastër ka bërë që shumë kush të kërkojë ta shijojë këtë ditë.
Koronavirusi i ri që shkakton sëmundjen covid 19 duket se nuk është marrë seriozisht. Ndërsa qytetarët shprehen se nuk mund të qëndrojnë gjatë në banesë.
Dy ditë më parë kreu i qeverisë bëri thirrje që edhe këmbësorët të respektojnë udhëzimet e autoriteteve dhe të qëndrojnë të paktën 1 metër larg njëri-tjetrit. Në të kundërt janë paralajmëruar masa.
