Tiranë, vjedhjet në shtetrrethim, u regjistruan 73 raste vjedhjesh - Bota Sot
Tiranë, vjedhjet në shtetrrethim, u regjistruan 73 raste vjedhjesh

Tirana

Tiranë, vjedhjet në shtetrrethim, u regjistruan 73 raste vjedhjesh

Më: 8 prill 2020 Në ora: 16:31
Vjedhje

Pavarësisht pranisë së shtuar të policisë për shkak të situatës së krijuar nga COVID-19, tendenca e qytetarëve për të kryer vepra penale nuk ka munguar. Gjatë 1 muaji në Tiranë janë regjistruar 73 vjedhje, 49 prej të cilave janë identifikuar autorët. Rastet kanë natyra të ndryshme, ku nuk mungojnë dhe vjedhjet e produkteve ushqimore në tregje dhe lokale. 

Policia e shtetit është planizuar për të monitoruar situatën e krijuar nga rreziku i përhapjes së COVID-19, ku nuk mungojnë pikat e kontrollit por dhe patrullimet e efektivëve.

Pavarësisht pranisë së shtuar të policisë, personat me tendenca kriminale kanë vijuar të kryejnë vepra penale.

Një prej veprave penale që nuk ka munguar që prej nisjes së shtetrrethimit ka qenë tendenca për kryerjen e vjedhjeve.

Vjedhjet të cilat janë regjistruar që prej nisjes së shtetrrethimit i përkasin sektorëve të ndryshëm, por konkretisht janë vjedhje me dhunë, të banesave, njësive tregtare por dhe vjedhje të sendeve me vlerë, si telefona celular apo dhe kabuj elektrik.

Disa prej rasteve që janë zbuluar kanë qenë vjedhje pijesh në lokale, apo fruta perimesh në njësitë tregtare. Disa prej këtyre rasteve janë kryer nga persona të pastrehë.

Gjatë kësaj periudhe janë regjistruar 73 raste vjedhjesh në total, ku 49 prej tyre apo rreth 70% janë identifikuar autorët. Kështu, gjatë kësaj periudhe janë regjistruar 19 banesa të vjedhura, 12 prej të cilave janë zbuluar autorët, 15 lokale dhe tregje, ku janë zbuluar 10 prej tyre.

Gjithashtu janë evidentuar dhe dy vjedhje me dhunë, ku për njërin rast janë identifikuar autorët.

Për sa i përket rasteve të vjedhjes së sendeve me vlerë, në tiranë janë regjistruar 37 raste, ku 26 prej tyre janë zbuluar.

Gjatë kësaj periudhe kanë munguar vjedhjet e automjeteve, pasi nuk është regjistruar asnjë rast, kjo nisur dhe nga fakti i ngritjes së pikave të kontrollit në rrugë.

Vjedhjet në karantinë:

2 vjedhje me dhune , 1 zbuluar

19 vjedhje banese, 12 zbuluar

15 lokale e tregje, 10 zbuluar

37 vjedhje sendesh me vlerë

26 prej tyre janë zbuluar

0 raste të vjedhjes së automjeteve

Shfaq komentet
comments powered by Disqus
Sot mund të lexoni Shfletoni kopertinat