Janë konfirmuar me koronavirus edhe dy policë të tjerë në Tiranë duke e çuar në tre numrin total të efektivëve të prekur në kryeqytet.
Gazetarja Xhensila Kodra raporton për abcnews.al se bëhet fjalë për një polic që shërbente si oficer roje tek Drejtoria e Përgjithshme e Policisë së Shtetit në Tiranë si edhe një efektiv në Vorë.
Nuk dihet se si policët e kanë marrë virusin, ndërsa mëngjesin e sotëm Abc News raportoi për një tjetër polic të prekur në Tiranë. Bëhet fjalë për një efektiv që shërbente për pritjen e qytetarëve tek Drejtoria e Përgjithshme e Policisë së Shtetit.
Mëngjesin e sotëm Abc News raportoi për policin e parë të prekur me koronavirus në Tiranë.
