Skandali në Tiranë/ Shfrytëzonte gruan për prostitucion, arrestohet i riu, në pranga dhe 70-vjeçari që i gjente klientët

Tirana

Skandali në Tiranë/ Shfrytëzonte gruan për prostitucion, arrestohet i riu, në pranga dhe 70-vjeçari që i gjente klientët

Më: 19 dhjetor 2021 Në ora: 09:37
Foto ilustrim

Një 26-vjeçar në Tiranë është arrestuar nga policia pasi shfrytëzonte bashkëshorten për prostitucion, duke ushtruar dhunë ndaj saj.

Operacioni policor i koduar  “EXPLOITATION” çoi në pranga shtetasin V. Gj., banues në Tiranë, për veprat penale “Shfrytëzimi i prostitucionit”, “Plagosja e lehtë me dashje” dhe “Dhuna në familje”.

Gjithashtu u bë arrestimi në flagrancë i shtetasit P. O., 70 vjeç, banues në Tiranë.

"Nga veprimet e mirorganizuara operative dhe hetimore të specialistëve për Hetimin e Krimeve në Komisariatin e Policisë Nr. 4, u arrit të zbulohet dhe të dokumentohet plotësisht ngjarja, nga e cila rezulton se 27-vjeçarja  shfrytëzohej për prostitucion nga bashkëshorti i saj, shtetasi V. GJ., i cili e dhunonte, si dhe nga shtetasi P. O" njofton policia.

Këtë aktivitet kriminal këta persona e kryenin në apartamentin e shtetasit P. O., i cili siguronte dhe klientët.

Nën drejtimin e Prokurorisë vijon puna për dokumentimin e plotë dhe identifikimin e personave të tjerë të përfshirë në këtë veprimtari të kundërligjshme.

Materialet i kaluan Prokurorisë së Rrethit Gjyqësor Tiranë, pët veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat