Tirana nis rrugëtimin si Kryeqyteti Europian i Rinisë, Banda frymore parakalon në rrugët e qytetit

Tirana

Tirana nis rrugëtimin si Kryeqyteti Europian i Rinisë, Banda frymore parakalon në rrugët e qytetit

Më: 2 janar 2022 Në ora: 16:05
Foto ilustrim

Banda frymore e kryeqytetit bëri një parakalim në rrugët e Tiranës mëngjesin e kësaj të diele.

Marshimi me tingujt e muzikës u bë në kuadër të nisjes së vitit, në të cilin Tirana mban stafetën e Kryeqytetit Europian të Rinisë.

“Marshet e qytetit tim” është emëruar ky aktivitet, i cili zgjoi Tiranën e heshtur të kësaj të diele.

Ky është aktiviteti i parë i këtij viti, i cili do të pasohet edhe nga mbi një mijë të tjerë të spektrit kulturor, sportiv, argëtues etj. Titulli “Tirana European Youth Capital 2022” i është akorduar të rinjve të Shqipërisë, në vitin 2019 në Aimens, Francë, si një përpjekje e finalizuar me sukses nga organizatat e shoqërisë civile, nën drejtimin e Kongresi Rinor Kombëtar dhe me mbështetjen e Bashkia Tiranë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat