Dhjetëra qytetarë u mblodhën sot në një protestë të thirrur nga shoqëria civile kundër rritjes së çmimeve në Tiranë.
Protestuesit u mblodhën fillimisht në sheshin “Skënderbej”, për të marshuar më pas para Kryeministrisë.
Me pankartat “S’mban më ujë pilafi”, ata kërkuan ndërhyrjen e qeverisë për të zbutur efektet e rritjes së çmimeve të ushqimeve dhe karburantit.
Kriza e energjisë elektrike e pasuar nga invazioni rus në Ukrainë, ka bërë që çmimet e karburantit dhe produkteve ushqimore të rriten ndjeshëm që prej fillimit të këtij viti.
