Policia e Tiranës ka arritur të “neutralizojë” një bandë hajdutësh të cilësuar nga qytetarët si të “tmerrshmit” e Unazës së Re, të cilët kryenin vjedhje dhe dhunonin qytetarët.
Kështu, në pranga kanë rënë deri tani 4 persona dhe në kërkim është një vajzë, identiteti i së cilës nuk bëhet i ditur për shkaqe hetimi.
Sipas policisë së Tiranës, të arrestuarit kryenin vjedhje me dhunë në zonën e Unazës së Re dhe në Vorë.
Në bashkëpunim me njëri-tjetrin, përreth 2 javë të arrestuarit dhunonin fizikisht qytetarët në rrugë dhe më pas u merrnin celularët, portofolin dhe sendet e tjera me vlerë. Policia vijon hetimet për persona të tjerë të përfshirë.
Ndërkohë që përveç “kulturës xhepiste”, mund të themi që fatkeqësisht ky fenomen është një tregues social dhe ekonomik i shoqërisë shqiptare.