Një konflikt mes disa personave për pak sa nuk ka përfunduar në një tragjedi në Tiranë.
Siç bëhet me dije, 35-vjeçari Arben Hasani në rrugën “Muhamet Deliu”, për motive të dobëta është konfliktuar me A. C., dhe A.A.
Në sherr e sipëri, ai i ka kanosur me armë dhe më pas ka qëlluar në ajër, armë kjo që ai dispononte pa leje.
Policia me të marrë njoftim për këtë ngjarje ka shkuar në vendin e ngjarjes, ku ka bërë të mundur arrestimin e autorit dhe sekuestrimin e armës së përdorur nga ai.
Lidhur me këtë ngjarje, policia bën me dije se materiale hetimore i kanë kaluar Prokurorisë pranë Rrethit Gjyqësor Tiranë për veprat penale "Mbajtja pa leje e armëve dhe municioneve luftarake", "Prishja e qetësisë publike" dhe "Kanosja".