Mali i Zi ka pësuar jashtëzakonisht shumë nga pandemia e koronavirusit. Në pikun e sezonit turistik, në Mal të Zi ndodhen rreth 15 mijë turistë, që është 92% më pak në raport me periudhën e njëjtë të vitit të kaluar, sipas të dhënave të Organizatës malazeze për Turizëm.
Pronarët e hoteleve dhe apartamenteve turistike në Mal të Zi kanë bërë të ditur se i kanë përgjysmuar çmimet, në mënyrë që sadopak të fitojnë.
Më Ulqin, sipas gazetës malazeze “Vijesti”, gastronomët thonë se nuk i kanë as 5% të qarkullimit të vitit të kaluar. Pjesa e vjetër e qytetit moti nuk ka qenë aq e zbrazët.
Kalaja e Ulqinit, përndryshe pjesa më e vizituar gjatë muajve të verës, këtë vit është tërësisht e boshatisur. Rrugëve nuk ka njerëz, restorantet janë të zbrazëta e muzeu pa vizitorë, shkruan “Vijesti”.
