Antalia mirëpriti mbi 8 milionë turistë në 10 muajt e vitit

Turizëm

Antalia mirëpriti mbi 8 milionë turistë në 10 muajt e vitit

Më: 3 nëntor 2021 Në ora: 07:14
Antalia

Antalia, destinacioni i preferuar turistik i Turqisë, tërhoqi më shumë se 8.6 milionë turistë në 10 muajt e parë të vitit, pavarësisht epidemisë së llojit të ri të koronavirusit.

Kryeqyteti i turizmit, ku u zbatua Programi i Certifikatave të Turizmit të Sigurt në hotele dhe sipërmarrje turistike nën drejtimin e Ministrisë së Kulturës dhe Turizmit gjatë periudhës së epidemisë, u bë adresa e turizmit "të shëndetshëm dhe të sigurt".

Ky qytet, i cili u mbylli vitin e kaluar me 3.5 milionë turistë për shkak të Covid-19, ka qenë në rrugën e më shumë pushuesve këtë vit me një rritje të shkallës së vaksinimit dhe heqjen e kufizimeve të udhëtimit.

Sipas të dhënave të 10 muajve të fundit mesatarisht 100 mijë turistë të huaj kanë hyrë në qytet në fundjavë për rreth 3.5 muaj.

Sipas ndarjes në bazë të shtetësisë së turistëve që erdhën në qytet, Rusia ishte e para. Në 10 muaj, 3 milionë e 448 mijë e 706 turistë erdhën nga Rusia, një rritje prej 145 për qind nga viti i kaluar.

Ukraina renditet e dyta me 1 milion e 258 mijë e 138 persona.

Antalia priti 335.484 turistë gjermanë në 10 muajt e parë të vitit të kaluar dhe 1 milion e 164 mijë e 338 turistë gjermanë këtë vit, një rritje prej 247 për qind në të njëjtën periudhë.

Sot mund të lexoni Shfletoni kopertinat