Ditët e ngrohta tashmë kanë ardhur në plazhet shqiptare. Një nga më të preferuarit edhe për pushuesit nga Kosova edhe nga ata të huaj është plazhi i Velipojës.
Një i moshuar Italian nga rajoni i Toskanës shpreh përshtypjet e tij të para për plazhin e Velipojës.
”Jam nga Italia nga rajoni i Toskanës, kam një javë në Velipojë dhe do rri edhe një javë tjetër. Më pëlqen shumë. Në Itali plazhet janë më të organizuara, por këtu më pëlqen shumë, uji është shumë i ngrohtë dhe i pastër”.
Edhe turistja nga Tajlanda shpreh nota pozitive për ujin e pastër dhe të ngrohtë të Velipojës.
“Është hera e parë që vij në Shqipëri, këtu me pëlqen, uji është shumë i ngrohtë dhe rëra është e mrekullueshme”, shprehet turistja tajlandeze.