Një dietë që ofron një mëngjes të konsiderueshëm nuk është vetëm i mirë për shëndetin tuaj, por gjithashtu ju ndihmon të humbni peshë.
Kjo është ajo që del nga një studim izraelit nga Universiteti i Tel Avivit, që vaktet e mëngjesit, të pasuara nga një drekë e mesme dhe një darkë e lehtë, do të stimulonin humbjen e peshës.
Studiuesit vëzhguan për tre muaj gjendjen e shëndetit të rreth tridhjetë vullnetarëve obezë me diabet të tipit 2 dhe një moshë mesatare 69 vjeç.
Një pjesë e grupit që u vendos në provë iu nënshtrua të ashtuquajturit “dieta B” (mëngjes i bollshëm, dreka më e vogël dhe darkë të lehtë), ndërsa pjesa tjetër ndoqën dietën 6M: “gjashtë mini-ushqime të përditshme”.
“Nuk është sa hani , nuk janë kaloritë vetë dhe as ora në të cilën ju hani. Metabolizmi ndryshon sipas orëve. Një gjë është një fetë bukë në mëngjes një në mbrëmje”,- shpjegoi koordinatorja e ekipit hulumtues Daniela Jakubowicz.
Tre muaj më vonë, teza e shkencëtarëve u konfirmua nga rezultatet e testeve: pacientët me dietë B kishin humbur pesë kilogramë. Ata që ndoqën dietën e gjashtë mini-vakteve, në vend të tyre ishin shëndoshur me 1.4 kg.
Hulumtuesit gjithashtu monitoruan vazhdimisht nivelet e glukozës së vullnetarëve. Rezultati? Pacientët që i nënshtrohen regjimit më ushqyes të mëngjesit treguan një reduktim të ndjeshëm të glukozës në gjak vetëm pas 14 ditësh nga fillimi i dietës.
