Magnezi kuron depresionin më mirë se antidepresantët - Bota Sot
Magnezi kuron depresionin më mirë se antidepresantët

Ushqime

Magnezi kuron depresionin më mirë se antidepresantët

Më: 3 prill 2020 Në ora: 11:21
Ilustrim

Për momentin në botë janë rreth 350 milionë njerëz të cilët vuajnë nga ndonjë formë e depresionit. Kjo i bie 5% e popullsisë së botës. Duke marrë parasysh se kjo sëmundje po bëhet diagnozë e zakonshme çdo ditë, duhet të ekzistojnë alternativa për përshkrimet e zakonshme me antidepresant.

Antidepresantët kanë efekt dhe mund të ndikojnë mirë, por mund të lirojnë edhe toksina në trup që krijojnë varësi, probleme më të këqija shëndetësore, si dhe sëmundje të tjera mendore. Depresioni shpeshherë shkaktohet nga mosbalancimi i kimikaleve në tru. Medikamentet kundër depresionit mund t’i shërojnë këto mosbalancime, por zakonisht lënë edhe efekte anësore si marramendje, shtim të peshës, pagjumësi, shikim të dobët, etj.

Alternativa e re e antidepresantëve

Një opsion i ri ka debutuar së fundmi në botën mjekësore. Një medikament natyral i cili mund të ndihmojë ta trajtojë depresionin po aq mirë, nëse jo më mirë sesa medikamentet e mëhershme të depresionit. Ky ilaç i ri mrekullibërës është magnezi.

Magnezi është mineral që i nevojitet trupit dhe studimet e fundit kanë treguar se 248 miligramë magnez në ditë mund të çojë në largimin e simptomave depresive. Ndonëse ilaçet kundër depresionit mund të kenë çmime të shtrenjta, një gjë e mahnitshme për këtë zbulim të fundit është se kushton shumë pak dhe nuk ka efekte anësore.

Si ta merrni magnezin?

Ka shumë ushqime që natyralist përmbajnë magnez, si spinaqi, farat e kungullit, çokollata e zezë dhe bajamet. Secila prej këtyre ka të paktën 75 miligramë magnez. Ose, nëse nuk keni mundësi ta merrni magnezin nga ushqimi, ju mund ta merrni në formë suplementi çdo ditë.

Përveçse përmirësoni shëndetin mendor, duke marrë magnez çdo ditë, ju përmirësoni edhe shëndetin fizik. Magnezi është i mirë për trurin, veshkat dhe shëndetin kardiovaskular.

Shfaq komentet
comments powered by Disqus
Sot mund të lexoni Shfletoni kopertinat