Përbërësit
600 gr miell
100 ml qumësht
200 ml ujë
20 gr gjalpë
20 gr maja buke
1 luge kripë
1 luge sheqer
per zbukurim fara susami
1 të bardha të vesë
Përgaditja:
Në një tas të thellë vendosim miellin, shtojmë ujin e ngrohtë dhe qumështin e ngrohtë në të cilin kemi tretur majane e bukës. Me duar e punojmë brumin disa herë derisa të homogjenizohet dhe pas kësaj shtojmë kripën, sheqerin dhe gjalpin. E punojmë sërisht për rreth 2 minuta dhe formojmë me të një sferë të madhë të cilën e lemë në ambientë të ngrohtë të dyfishojë vëllimin e saj (nevojitet rreth 1 orë).
Pasi ka kaluar kjo kohë, brumin e ndajmë në 6 pjesë dhe me to formojmë sfera të tjera të vogla të cilat i vendosim në tavën e shtruar me letër furre në distancë të barabartë nga njëra tjetra. Me ndihmën e një thike formojmë një kryq (+) në sipërfaqen e tyre i cili do të lehtësojë fryrjen. I lëmë përsëri të vijnë për 1 orë si më sipër.
Në një enë të vogël rrahim të bardhën e vezës me të cilën lyejmë sipër simitet dhe i zbukurojmë me fara susami. I vendosim në furrë të parangrohur në 180°C për 20 minuta.
