Rama me studentët në Vlorë: Qeveria nuk është nënë e babë, universiteti të marrë përgjegjësi

Vlora

Rama me studentët në Vlorë: Qeveria nuk është nënë e babë, universiteti të marrë përgjegjësi

Më: 15 shkurt 2019 Në ora: 15:51
Edi Rama

Kryeministri Edi Rama po zhvillon një takim ditën e sotme me studentët e Universitetit “Ismail Qemali” në Vlorë mbi 'Paktin për Universitetin'. Kreu i qeverisë po diskuton me studentët mbi zbatimin e vendimeve që mori qeveria pas protestës së studentëve.

Gjatë diskutimeve nuk munguan as batutat, teksa Rama mes të tjerash tha se edhe universiteti duhet të marrë përgjegjësi, pasi qeveria nuk është nënë e babë.

'Qeveria nuk është nënë e babë, qeveria ka detyrat e veta dhe nuk i ka të gjitha dhe nuk i bën të gjitha. Jam i lutmur të bëj edhe sektretarin e univesitetit në zyrën time, edhe në 2 të natës. Në 2 të natës vjen mesazhi 'o daku, cfarë do të bëhet me tarifat'. Unë u përgjigjem të gjithave, por për disa gjëra duhet të japë përgjigje rektori' tha Rama.

Ora 15:42

Qëndresa e pedagogëve, Rama: Sharlatanët kanë frikë nga vlerësimi i titujve 

Kreu i qeverisë ka 'thumbuar' sërish grupin e pedagogëve që kundërshtojnë ligjin e arsimit të lartë, mes të cilëve është edhe Mark Marku. Rama përsëriti sërish se pedagogët kanë frikë nga vlerësimi i titujve akademikë.

"Mark Markët nuk kanë lidhje me atë që thonë, por përpjekjen që do të shkojë duke u bërë më agresive për t'iu shmangur verifkimit të titujve, që janë një nga arsyet që investimet tuaja nuk përkthehen në vlerën që meritojnë. E dyta ndalimi i tregtisë së librave të pedagogëve që në këmbim të notës duhen blerë dhe e treta vlerësimi i pedagogëve nga studentët. Këta që u përpoqën që ta zgjasnin protestën, pa marrë përgjegjësinë që kanë për të dhënë mësim për cdo student, nuk e thonë kur dhe si duan të bëhet vlerësimi i titujve akademikë dhe të tjerat.

Nuk e thonë sepse kur iu dëgjojnë veshët që VKM-të janë antikushtetuese, kjo lidhet me faktin se nuk i duan vendimet që lidhen me këtë cështje. Vlerësimet e titujve nuk i takon qeverisë që ta bëjë por universiteti. Në mars dhe në prill shumë shpejt do të jetë si kontratë me drejtuesit dhe me ju, studentët që duan ta firmosin këtë pakt dhe ta ndjekin realizimin e tij. Një pjesë e maskuar nuk janë doktorë shkencash, por sharlatanë" tha Rama.  

commentFirst article
Sot mund të lexoni Shfletoni kopertinat