Vlorë, parandalohet konflikti me armë zjarri, pranga 19-vjeçarit - Bota Sot
Vlorë, parandalohet konflikti me armë zjarri, pranga 19-vjeçarit

Vlora

Vlorë, parandalohet konflikti me armë zjarri, pranga 19-vjeçarit

Më: 23 maj 2019 Në ora: 14:41
Foto Ilustrim

Një person është arrestuar nga policia e Vlorës, pas një konflikti me armë zjarri. Policia thotë se në pranga u vu shtetasi G. B., 19 vjeç, të cilit iu sekuestrua edhe një pistoletë.

"Specialistët për Hetimin e Krimit në Komisariatit të Policisë Vlorë, në bashkëpunim me Patrullën e Përgjithshme, pas njoftimit të marrë nga një 35 - vjeçar banues në Vlorë, se gjatë një konflikti për motive të dobëta po kanosej me armë zjarri nga shtetasi G. B., kanë ndërhyrë menjëherë për parandalimin e përshkallëzimit të mëtejshëm të konfliktit", sqaron policia.

Pas kontrollit të ushtruar, këtij shtetasi i është gjetur një armë zjarri pistoletë dhe një dozë lënde narkotike e dyshuar e llojit Cannabis Sativa.

Materialet iu referuan Prokurorisë për veprat penale "Kanosja", "Mbajtja pa leje dhe prodhimi i armëve, armëve shpërthyese dhe municioneve", "Prodhimi dhe shitja e narkotikëve".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...