Të tjera detaje kanë dalë lidhur me krimin që tronditi sot Vlorën, ku bashkëshorti 56-vjeçar vrau brutalisht me levë hekuri gruan e tij, Laureta Sulo, 44-vjeçe.
Dyshohet se çifti që jetonte në fshatin Babicë kishte konflikte të shpeshta që kishin lindur pas dyshimeve të burrit se gruaja e tij kishte lidhje jashtëmartesore.
Krimi ka ndodhur brenda banesës, ku çifti kishte një servis në të cilin punonin bashkërisht burrë dhe grua.
Mësohet se sot rreth orës 13:00 çifti ishte konfliktuar verbalisht në banesë, çka përshkallëzoi më tej në përdorimin e dhunës fizike.
56-vjeçari e ka qëlluar disa herë me levë në kokë bashkëshorten, e cila u dërgua menjëherë në spital ku ndërroi jetë si pasojë e plagëve të marra.
Raportohet se ka qenë vetë autori që lajmëroi policinë pak pas ngjarjes, duke u vetëdorëzuar të blutë, që bënë arrestimin e tij.
Dyshimet për tradhti ishin tema e debateve të shpeshta mes çiftit, madje dyshohet se 6 ditë më parë vëllai i autorit ka tentuar që të vrasë me çifte personin që dyshonte se ishte i dashuri i kunatës së tij, por pas arrestimit u lirua.
