Në disa fshatra të Vlorës, mbetjet urbane hidhen kudo, në tokë, buzë rrugës, pranë shtëpive.
Shkak është mungesa e koshave dhe vendeve të përcaktuara për grumbullimin dhe më pas të trajtimit të mbetjeve.
Banorët e njësive administrative të Babicës së madhe dhe të vogël, Alikokës, Qishbardhës si dhe Risilisë detyrohen ti hedhin këto mbeturina vend e pavend në mjedis.
Madje banorët shprehen të shqetësuar se me situatën e krijuar rrezikohet ndotja e ujit, por dhe infeksionet të fëmijëve, të cilët për të shkuar në shkollë duhet të kalojnë përmes mbetjeve
Për këtë çështje banorët janë ankuar në bashkinë e Vlorës por nuk kanë gjetur zgjidhje. Në mungesë të koshave të mbeturinave banorët gjejnë edhe zgjidhjen më të thjesht duke i vendosur flakën, por, duke ndotur në këtë mënyrë akoma dhe më shumë ambientin përreth.
