Çështja e Hashim Thaçit zbarkon në stadiumet shqiptare. Sfida Flamurtari-Luftëtari në Vlorë, e programuar për tu luajtur në orën 17:00 të pasdites ka nisur me 61 minuta vonesë.
Shkak janë bërë dy pankarta të vendosura në stadiumin "Flamurtari" në mbështetje të Presidenti të Kosovës i cili po përballet me aktakuza nga Prokuroria Speciale me seli në Hagë për krime lufte dhe krime kundër njerëzimit.
Delegati i ndeshjes ka kërkuar heqjen e dy pankartave ku shkruhej: "Hashim Thaçi, Vlora krenohet me ty" dhe "Drenica, zemra e shqiptarisë".
Në fund është hequr pankarta për Hashim Thaçin dhe delegati ka lejuar nisjen e ndeshjes Flamurtari-Luftëtari.
Vetë administratori i klubit "Flamurtari", zoti Idrizi nuk ka dashur që parullat të hiqen, por vendimi ka qenë i Federatës.
