Fshati Cerkovinë në Vlorë vuan për ujë të pijshëm

Vlora

Fshati Cerkovinë në Vlorë vuan për ujë të pijshëm

Më: 21 tetor 2021 Në ora: 18:26
Foto ilustrim

Rreth 400 familje të fshatit Cerkovinë në Vlorë po vuajnë mungesën e ujit të pijshëm. Ata thonë se detyrohen çdo javë të blejnë ujë, ndërsa shtojnë se pavarësisht ankesave në Bashkinë e Vlorës ende nuk kanë marrë asnjë përgjigje.

Familja Veizaj në Cerkovinë të Vlorës vuan prej vitesh mungesën e ujit të pijshëm.

Luftar Veizaj thotë se shpenzon deri në 20 mijë lekë të vjetra në javë për t’u furnizuar me ujë.

"Paguaj 1500-2000 lekë në çdo javë që më vjen uji këtu," thotë ai.

Ata thonë se kanë marrë kredi për të hapur pusin, në oborrin e tyre dhe të kenë ujë për gatim dhe larje.

"Unë jam në bankë akoma, paguaj pusin," thotë zonja.

Nuk është vetëm familja Veizaj që vuan mungesën e ujit të pijshëm, janë rreth 400 familje në Cerkovinë që prej vitesh kanë të njëjtin problem.

"Për ujë? Shumë e vështirë! Që atje ku është restoranti e deri te shtëpia ime e çoj ujin me karrocë kur më mbeten rrobat pa larë. Jam 70 vjeç," thotë një e moshuar.

Thonë se janë ankuar në bashki, por nuk kanë marrë asnjëherë zgjidhje.

"Ka shkuar fshati në bashki, ka dalë dhe në televizion edhe nuk u bë asgjë," thotë një banore.

Nga burimet jo zyrtare bëhet me dije se është pikërisht amortizimi i rrjetit të ujësjellësit që është bërë shkak për mungesën e ujit në fshatin Cerkovinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat