Zbulohet banesa e përshtatur për kultivimin e kanabisit në Vlorë, arrestohet 40-vjeçari

Vlora

Zbulohet banesa e përshtatur për kultivimin e kanabisit në Vlorë, arrestohet 40-vjeçari

Më: 2 mars 2022 Në ora: 16:39
Foto ilustrim

Policia e Shtetit ka njoftuar sot se ka arrestuar shtetasin A.Rr, 40 vjeç, në përmbyllje të një operacioni për goditjen e veprimtarisë kriminale në fushën e kultivimit të bimëve narkotike në qytetin bregdetar të Vlorës.

Sipas njoftimit të policisë, gjatë operacionit është zbuluar se 40-vjeçari kishte përshtatur një banesë për kultivimin e kanabisit me anë të llambave.

Gjithashtu, policia ka zbuluar edhe lidhje të paligjshme të energjisë elektrike.

Gjatë operacionit policor u gjetën të kultivuara në kova plastike, në një ambient të mbyllur, rreth 330 bimë narkotike, mbi të cilat ishin të vendosura 88 llamba, 18 freskuese, 5 aspiratorë dhe objekte të tjera që shërbejnë për kultivimin e bimëve narkotike në ambiente të mbyllura, të cilat u sekuestruan në cilësinë e provës materiale, së bashku me një sasi materiali bimor kanabis sativa në proces tharjeje.

“Ndërkohë, po vijon puna për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë. Materialet procedurale iu referuan Prokurorisë pranë Gjykatës së Shkallës së Parë Vlorë, për veprat penale “Prodhimi dhe shitja e narkotikëve”,”Kultivimi i bimëve narkotike” dhe ”Vjedhja e energjisë elektrike”, ka shtuar policia. 

 

commentFirst article
Sot mund të lexoni Shfletoni kopertinat