Vlora ‘zgjohet’ me zjarre, digjen ullishtet në Radhimë

Vlora

Vlora ‘zgjohet’ me zjarre, digjen ullishtet në Radhimë

Më: 22 mars 2022 Në ora: 09:38
Foto nga vendi i ngjarjes

Prej pesë ditësh, Vlora po përballet me zjarre që kanë djegur sipërfaqe të mëdha me vreshta dhe ullishte në disa fshatra.

Këtë të martë në mëngjes, në afërsi të fshatit Radhimë, janë djegur barëra, shkurre dhe disa rrënjë ullinj.

Një ditë më parë, vatra aktive janë raportuar në Zvërnec, ku u dogjën shkurre dhe rrënjë ulliri.

Më herët, ullishte shekullorë janë djegur në kodrat e fshatit Bestrovë në zonën e Panajasë.

Ndërkohë që nuk ka ende të dhëna të dala nga hetimet për shkaqet e zjarrit dyshohet se këto ngjarje mund të jenë të qëllimshme.

Shpesh u vihet flaka edhe sipërfaqeve pyjore për të përfituar  sipërfaqe për ndërtim.

Rastet e djegies së ullishteve në Panaja dyshohet se janë pasojë e konfliktet të vjetra  midis pronarëve të tokave dhe blegtorëve, pasi këta të fundit djegin  tokat , madje dhe ullinj për të përfituar kullota për bagëtitë e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat