Vota e diasporës është duke luajtur një rol të rëndësishëm për shpërndarjen e mandateve në Vlorë.
Deri në këto momente, Partia Socialiste ka shtuar në këtë qark duke shkuar në 9 mandate. Ndërkohë vetëm 3 shkojnë për PD.
Sipas të dhënave të deritanishme kjo do të çonte që PD-ja të mos arrinte as numrin e kandidatëve në listën e fiksuar.
Ai që e pëson është demokrati Atird Hoxha, i renditur i katërti në listën e mbyllur të PD-së. Deri para pak minutash dukej se ai do të futej në parlament, por socialistët thelluan avantazhin në qytetin bregdetar.
