Arrestohet ditën e sotme shtetasi Ylli Hoxhaj, 63 vjeç, i akuzuar për zjarrvënie të qëllimshme në fshatin Mavrovë të Selenicës.
63 vjeçari, banues në fshatin Mavrovë, Bashkia Selenicë, pasi nga hetimet e kryera ka rezultuar se ky shtetas është autori kryesor i dyshuar në lidhje me ngjarjen e ndodhur.
Policia e Vlorës ka bërë të mundur kapjen dhe arrestimin e tij.
Raporti i policisë së Vlorës
Më datë 11.07.2017, në fshatin Mavrovë të Njësisë Administrative Kotë, në vendin e quajtur “Blodua” është djegur një sipërfaqe toke prej 150 hektarësh pyll-shkurre dhe një sipërfaqe tjetër prej 2.2 hektarësh në të cilën janë shkatërruar rreth 300 rrënjë ullij (10-vjeçarë) në pronësi të 3 shtetasve të tjerë, bashkëfshatarë të autorit në fjalë.
Shtetasi Ylli Hoxhaj, dyshohet se është autori i zjarrvënies së qëllimshme në lidhje me këtë ngjarje. Materialet janë referuar në Prokurori në ngarkim të tij për veprën penale “Shkatërrimi i pronës me zjarr”, parashikuar nga neni 151 i Kodit Penal.