Një surprizë apo jo për trajneren e Prishtina F. e cila pretendon trofe në volejbollin e Kosovës. Fjala është për Ganimete Gërbovcin e cila në një formë mbetet e befasuar nga tortja që ia sollën volejbollistet e saja. Si ndodhi befasia?
Ganimetja ka pasur datëlindjen dhe volejbollistet e kanë nderuar fort mirë, madje duke shkruar mbi tortë me shkronja të mëdha: “HBD trajnere”.
Volejbollistet e uruan me zemër dhe me bindje se në fund të edicionit do ta fitojnë Kupën ose titullin e kampiones së Kosovës.
Në një moment, Ganja u skuq nga surpriza, sepse nuk e kishte pritur, por në anën tjetër iu ka rritur adrenalina.
Dhe krejt në fund, KV Prishtina F. është klub që dominohet nga femrat edhe si kryesi e klubit.