Në fushat pranë Fakultetit të Edukimit Fizik dhe Sporteve në Prishtinë, është zhvilluar finalja e Kampionatit Ballkanik në konkurrencën e meshkujve në beachvolley.
Çifti Alfred Pllana e Shkëlqim Ismaili triumfojnë në finale me rezultat 2:0 (21:12, 21:17) në përballje me Art Terstenën dhe Adriatik Berishën e Kosovës 2.
Dyshja Pllana-Ismaili u treguan më të mirë, sidomos setin e parë e dominuan, ndërsa më të dytin ka qenë me rivalitet të madh.
Selektori i kombëtares së Kosovës në volejboll (meshkujt), Bahri Gjinovci, është i lumtur për triumfin e djelmoshave të tij që i udhëhoqi me sukses.
