Pas Driton Bytyqit dhe Bardhyl Hajdarajt, Ferizajt i bashkohet edhe volejbollisti shtatlartë dhe i talentuar Art Tërstena, që së fundit luajti për Prishtina Volley.
Ardhja e tij shton edhe më shumë optimizmin te ferizajasit që të luftojnë edhe për pjesën e lartë të tabelës, skuadër që ka kryetrajer Arlind Ibrahimin.
“Art Terstena rikthehet në shtëpi!!!
Njëri ndër volejbollistët që premton shumë në volejbollin kosovar, Art Terstena, është rikthyer në klubin e tij për suksese të reja, KV Ferizaj.
Me Artin dhe të tjerët Ferizaj aspiron shumë më shumë këtë sezon”, bëhet e ditur nga KV Ferizaj.
Tërstena përveç si volejbollist shquhet edhe në sportin e beachvolleyt dhe është reprezentues i Kosovës.
