Figura sportive të Kosovës që dhanë shumë qoftë në kohën e okupimit qoftë në vitet e pasluftës, mos të harrohen por të çmohen, ndërsa ata që nuk janë më në mesin tonë t'ju organizohen edhe turne përkujtimor!
Si sot më rrinë para fytyrës qetësia e tij, atëkohë unë si gazetar shumë i ri, në vitet e 90-ta, kur Jusuf Bytyçi me klubin e volejbollit Mirashi (meshkujt), u organizuan dhe garonin në garat e Republikës së Kosovës, pa u tremb asnjëherë nga represioni i pushtuesit serb.
Jusufi ishte halë në sy për regjimin kriminal serb dhe vazhdimisht i pengonin aktivitetet e tija. Jusufi kurrë nuk u dorëzua por me shumë shokë punuan pa ndalë në jetësimin synimeve që kishin para vetes.
Prandaj, Jusufi ishte trajner i shquar dhe një punëtor i palodhur, duke bërë shumëçka për sportin skofiar. Ai ndërroi jetë vitin e kaluar papritur por mungesa e tij ndihet shumë jo vetëm në volejboll.