Klubi i volejbollit Prishtina F (femrat), anëtare e Superligës së Kosovës, çohen këmbë e madhe e vogël, apo kryetare e trajneret, drejtor sportiv e të gjithë, në gjendje gatishmërie, sikur kur nisen ushtarët për luftë, e të vendosur deri në pikën e fundit, se nuk ka bir nëne që mund ta shuajë këtë klub.
Ato presin që edhe Komuna e Prishtinës me kryetarin Shpend Ahmeti që t’ju ndihmojnë dhe do t’i jenë mirënjohëse.
“Jemi të vetëdijshëm që një numër i vogël “trajneresh” shumë e dëshirojnë të shuajnë klubin Prishtina, pse?! Sepse është klubi më i vjetër në Prishtinë por e vërteta është që asnjëherë nuk do të ndodhë një gjë e tillë për arsye që klubi kurrë më mirë nuk i ka pas punët financiarisht, krejt kjo falë punës së palodhshme e Bordit të klubit që sjellin sponzor të shumtë në klub.
Do të vije dita shumë shpejt që ata persona që e kane mendu të shkatërrojnë klubin do të tentojnë të futen në vrimën e miut nga sukseset e Klubit më të vjetër të volejbollit femëror të Kryeqytetit tonë të bukur. Gjithmonë Prishtinë”, reagon Prishtina F.
Mobilizim i përgjithshëm dhe nuk do të lejojnë të futet ndonjë dushman brenda apo ndonjë element i miut brenda klubit. Me një fjalë, të gjithë syhapur!
