Të gjithë janë në pritje të dy sfidave të sotme mes Dritës nga Gjilani, kampione vjeshtore dhe Prishtina, e cila luhet në orën 15.00 në palestrën “Bashkim Selishta-Petriti” në Gjilan dhe ajo në mes Kastriotit, lidere dhe Skenderajt (18.30) që zhvillohet në palestrën e sportit “Bill Clinton” në Ferizaj.
Flitet e përflitet se te Prishtina, ky shi i sotëm që po bie në kryeqytet e në gjithë Kosovën, do t’ju sjell bereqet apo pikët e vendit të katërt e të vizës për Kupën e Federatës.
Prishtina është e përgatitur maksimalisht dhe pretendon fitore, sepse besojnë se kanë ekip të mirë, e kur i shtohet edhe atmosfera e mirë.
“Kur bie shi Prishtina F gjithmonë fiton, ta shohim a do t’i sjell ky shi edhe sot fat vashave prishtinase sepse luajnë më mirë kur koha është me shi. Lutem mos të ngroh dielli”, tha një burim për gazetën kombëtare “Bota sot”.