Vashat e Universitetit të Prishtinës e mbrojtën titullin e kampiones në garën Universitare, që u mbajt tash e disa ditë në Dubrovnik.
Volejbollistet e Universitetit shënuan fitore me rezultat 2:0 kundër Universitetit Fer nga Zagrebi, në një finale jashtëzakonisht interesante.
Trajneri Bahri Gjinovci përgëzon lojtaret për angazhim dhe për këtë trofe të çmueshëm, duke e vlerësuar lartë edhe titullin e kampiones që e fituan sonte në Dubrovnik dhe në një konkurrencë të fortë.
“Jam shumë i gëzuar që prapë dolëm fitues i kësaj gare universitare, volejbollistet tona po tregojnë përherë paraqitje fantastike. Këtë herë duke mos humbur asnjë set të vetmin.
Këtë herë ishim më shumë të përqendruar dhe nuk i lejuam asnjë herë kundërshtarit të na kaloj në epërsi”, tha Gjinovci për gazetën kombëtare “Bota sot”.