Sot është e përkushtuar në volejboll, lufton për kushtet më të mira. Është një luftëtare e sportit, e kohërave më të vështira, e kohës së okupimit (1991-1999). E gjithanshme në atëkohë, volejbolliste, atlete e hendbolliste.
Me shumë shoqe, nuk hezituan në asnjë moment por iu qasen garave të Republikës së Kosovës, duke iu kundërvu regjimit serb.
Nuk u tremb për asnjë moment, as nga kërcënimet më të rënda që vinin atëkohë nga regjimi serb por vazhdojë misionin e saj të shenjtë.
Është Mimoza Shkodra, ish volejbolliste e spikatur dhe aktualisht nënkryetare e FVK-së dhe profesoreshë.
Cilat janë të panjohurat e saj deri me tash? Botërisht dihet se ka qenë prej volejbollisteve më të mira, por pak kush e ka ditur në ditët e sotme se Mimoza ka qenë atlete në kërcim së gjati dhe hendbolliste në vitet e 90-ta.