Për një votë nuk u zgjodh qendra më e mirë në Kosovë në periudhën 1999-2019, në anketën që u bë nga rubrika e sportit e gazetës kombëtare “Bota sot”.
Megjithatë, ish volejbollistja e mirënjohur, Albulena Ejupi, është në formacionin më të mirë të Kosovës në periudhën 1999-2019.
Ajo mori 8 vota, një me pak se Fjolla Shabani.
Në anketë morën pjesë gjashtë trajnerë të Superligës A dhe 8 ish volejbollistet më të mira të Kosovës.
Ejupi tha se është e lumtur që është në formacionin më të mirë në 20 vitet e fundit.
“Është kënaqësi dhe nder për mua që jam zgjedh në formacionin më të mirë 1999-2019.
Jam mundu ta jap gjithmonë më të mirën për volejbollin, kam punuar shumë.
Faleminderit prej atyre që vlerësuan punën time dhe me votuan. Një falënderim i veçante është për babain tim (Eqremin) i cili ishte përkrahësi im më i madh dhe nuk u lodh asnjëherë për mua dhe natyrisht edhe trajnerët e mi”, tha Ejupi për gazetën kombëtare “Bota sot”.
Sipas anketës, FJOLLA SHABANI, është qendra më e mirë e periudhës 1999-2019.
Renditja
1. Fjolla Shabani 9
2. Albulena Ejupi 8
3. Mimoza Shkodra 2
4. Besarta Kashtanjeva 1
4. Shpresa Azemi 1
4. Margona Maksuti 1
4. Egzona Geci 1
4. Bleona Kadriu 1
4. Arbenita Ymeri 1
4. Marigona Asllanaj
4. Jehona Berisha 1