Federata e Volejbollit e Kosovës ka vendosur që t'u rikthehet garave që janë ndërprerë për shkak të pandemisë COVID-19.
Lajmi është konfirmuar nga kryetari i FVK-së, Abedin Ibrahimi.
Garat janë rikthyer vetëm në elitë, në konkurrencën e meshkujve dhe femrave.
"Superliga A rikthehet me 4 ekipet e para në te dyja konkurrencat. Do te kemi gjashtë xhiro edhe do ta luajmë edhe ndeshjen finale", ka thënë kryetari i Federatës së Volejbollit të Kosovës, Abedin Ibrahimi për “RTK”. “Pas dy javësh vendosim për Ligën B që ka të bëjë me inkuadrim në Superligë dhe do të vendosim edhe për Kupën e Kosovës”, shtoi Ibrahimi.
Ndeshjet do të zhvillohen nga mesi i muaji qershor.
Ndryshe, është anuluar Liga e Parë.