Kryetrajneri i Prishtina Volley, Xhavit Kajtazi, ka një mijë e një arsye që të jetë ballëlart.
Djelmoshat e tij shkëlqyen në palestrën e sportit “Bill Clinton” në Ferizaj, duke i shkaktuar humbje me rezultat 3:0 kampionit në fuqi Lubotenit.
Prishtina Volley importoi tri pikë të mëdha në javën e parë të play-off-it të Superligës së Kosovës në volejboll.
Ata rikthehen fuqishëm pas 3 muajve, pasi që u ndërprenë garat shkaku i pandemisë Covid 19.
Nga ana tjetër, Ferizaj mezi e mposhti në taj-kret me 3:2 Therandën. Djelmoshat e trajnerit të Ferizajt, Arlind Ibrahimi, fituan dy pikë e Theranda një!