Dy anëtaret e Kombëtares së Kosovës, volejbollistet Valmira Ramadani e Dhuratë Sylejmani, vishen bardh e kaltër.
Klubi i volejbollit Drita nga Gjilani, ka filluar gjahun drejt përforcimit të radhëve të veta me lojtare cilësore dhe presidenti Jakup Kupi Shabani, ka bërë goditjet e radhës.
Me rekomandimin e shefit të shtabit teknik Lorik Ilazi , janë bërë nënshkrimet e kontratave dhe prezantimi i dy goditjeve të para që Drita I ka patur në planin e vet.
Dy volejbollistet Ramadani e Sylejmani, do të jenë ndihmesë për KV Drita jo vetëm në fillimin e edicionit të ri, por edhe në synimin tjetër që gjilanaset e kanë në kupat evropiane.
Volejbollistet ferizajase, në prani të drejtorit të klubit Florent Haziri dhe kryetrajnerit Lorik Ilazi kanë nënshkruar kontratat te noteri Arben Mustafa.
Valmira e Dhurata janë lojtare të dëshmuara si në volejboll, ashtu edhe në beach volley, ku nuk ju kanë munguar titujt vendor e madje edhe ata ballkanik.
Pas shumë sukseseve e paraqitjeve të mira që këto dy volejbolliste kanë patur në rradhët e klubit Kastrioti nga Ferizaj, tashmë ato kanë shprehur dëshirën të ndërrojnë ambient dhe të përforcojnë Dritën.
Valmira Ramadani njihet për aftësitë e saj si bllokuese dhe sulmuese e sukseshme, duke rritur konkurencën në pzitën e qendrës.
Kurse Dhurata Sylejmani është një prej lojtareve të padiskutueshme në pozitën e korrektores dhe me gjatësinë e saj njihet për sulmin e fortë dhe bllokun fantastic, dy elemente që i duheshin Dritës.
Drita do të jetë klubi i vetëm kosovar që sivjet d të paraqitet në garat evropiane, ku siç dihet, gjilanaset në garën e CEV Cup do të ndeshen me kampionin e Çekisë Selmy Brno, njofton KV Drita.
