Drita nga Gjilani, klubi më i organizuar në vendin tonë, triumfon në turneun përkujtimor “Ismet Ramadani” në volejboll.
I ndjeri Ramadani ka qenë gazetar i shquar sportiv dhe disa vite ka punuar edhe në gazetën kombëtare “Bota sot”.
Drita në gjysmëfinale ishte më e mirë se Ferizaj dhe fitoi me rezultat 2:0. Në finale Drita e mposhti me rezultat 2:0 Skenderajn dhe fitojnë turneun.
Lojtarja më e mirë e turneut u zgjodh Rukije Muja e Dritës.
Fituesit u shpërblyen me Kupë dhe gjithashtu tri vendet e para u shpërblyen me medalje. Vajza dhe djali i të ndjerit Ismeti, Arta dhe Dritoni, me klubin Ferizaj e organizuan turneun në mënyrën më të mirë të mundshme.