Kampionja në fuqi, M - Technologie nga Prishtina, me lojë dhe rezultat 3:0 (25:5, 25:10, 25:13) shkatërron Kastriotin e Ferizajt, në kuadër të javës së gjashtë të Superligës së Kosovës.
Volejbollistet prishtinase nuk treguan aspak respekt për rivalen e vjetër, sidomos në setin e parë kur ngadhënjyen me 25:5.
Në setin e dytë dhe të tretë po ashtu treguan lojë shumë të mirë, duke i fituar me 25:10 përkatësisht 25:13 dhe me rezultat të përgjithshëm 3:0.
M - Technologie ka arritur tre pikë shumë të mëdha në palestrën e kolegjit ‘Univers’ ne Bardhosh.
Kryetrajneri i M-Technologie, Naser Krasniqi, është i lumtur për lojën dhe fitoren e thellë.
M - Technologie së bashku me Prishtina F kryesojnë tabelën, secila ka nga 15 pikë, përveç që Prishtina ka një takim me pak.
Edhe junioret e M – Technologie ishin më të mira, duke fituar me 2:0 (25:20, 25:18 ) ndaj Kastriotit.
Ekipin e M - Technologie ditën e hënë takohet me ekipin rival të Prishtinës në kuadër të gjysmëfinales së Kupës së Kosovës!