Ndeshja mes Feronikelit nga Drenasi dhe Ferizajt, ka qenë vendimtare se cila nga këto ekipe do të mbetet në Superligën A dhe cila do të largohet në Superligën B.
Feronikeli ia bën mat Ferizajt, duke e mposhtur me rezultat 3:1 në kuadër të javës së 9-të.
“Po po! Mbesim në Superligën A të volejbollit në Kosovë!
Mbrëmë në palestrën e sportit ‘Hysni Jetullahu’ e patëm ndeshjen vendimtare për mbetjen në Superligën A, duke u ndeshur me kundërshtaren direkt KV Ferizaj, që ishte mjaft i fortë dhe vajzat tona u treguan me këmbëngulëse për fitore dhe ia dolëm!
Faleminderit të gjithëve për përkrahje!
Faleminderit Tigrat e Zi, faleminderit publik i nderuar, faleminderit vajza që nuk u dorëzuat, faleminderit trajner E. Zymeri, faleminderit kryetar A. Mehani për mbështetje të fuqishme, pa të cilën nuk do të ishim këtu!”, shkruan në faqen e KV Feronikelit.
Feronikeli renditet në vend të gjashtë me 10 pikë e Ferizajt në të shtatin me 9.
Rezultatet - m𝙚𝙨𝙝𝙠𝙪𝙟𝙩
Ferizaj - Drita 3:2
Skenderbeu - Peja 0:3
Ulpiana - Drenica 3:1
G.E Theranda - Vëllaznimi 3:1
𝙁𝙚𝙢𝙧𝙖𝙩
Fushë Kosova - Prishtina 3:0
Fer Volley - Malisheva 3:0
Kastrioti - Skenderaj 0:3
Feronikeli - Ferizaj 3:1