Kur Vlora Hasani kundërshtonte hilet e trajnerëve 

Volejboll

Kur Vlora Hasani kundërshtonte hilet e trajnerëve 

Nga: Kemajl Goca Më: 12 janar 2022 Në ora: 13:42
Kur Vlora Hasani kundërshtonte hilet e trajnerëve 

Shumë herë ka pakënaqësi në zgjedhjen e më të mirëve të vitit në secilën degë sportive.

Një deklaratë që mbahet mend edhe sot, është e volejbollistes së Dritës nga Gjilani, Vlora Hasani – Berisha.

Kur askush nuk guxonte të ngrit zërin dhe t’i kundërshtonte hilet e trajnerëve në vitin 2011, është fjala për votimin e më të mirëve, Vlora doli hapur duke i qit para aktit të kryer të gjithë.

Vlora reagoi në vitin 2011, sipas saj u zgjodh volejbollistja që nuk e meritoi!

“Edhe vetë Sherifja (Behrami) e di se nuk e ka merituar këtë çmim. Ajo nuk ka qenë as rezerviste në Përfaqësuese, nuk e ka zhvilluar asnjë ndeshje ndërkombëtare, nuk ka asnjë sukses me skuadrën e saj, por kjo që ka ndodhur le të mbetet në ndërgjegjen e trajnerëve. 

Mendoj se katër volejbollistet më të mira sivjet kanë qenë Flutura Hasani, Vildane Jashari, Shemsije Asllanaj dhe Vlora Hasani. Jam e zhgënjyer me vlerësimin e trajnerëve", kishte deklaruar në vitin 2011 Vlora Hasani – Berisha për gazetën kombëtare “Bota sot”.

Edhe sot vlen kjo deklaratë e saj sepse ka ende padrejtësi pothuajse në çdo degë sportive, sa e sa herë më të mirët mbeten jashtë garës!   

Vlora edhe sot është më e guximshmja nga ish volejbollistet dhe volejbollistet, gjithmonë e thotë hapur dhe i kundërshton padrejtësitë.

commentFirst article
Sot mund të lexoni Shfletoni kopertinat