Ditë historike për Tiranën, bardheblutë shpallen kampionë pas 28 vitesh

Volejboll

Ditë historike për Tiranën, bardheblutë shpallen kampionë pas 28 vitesh

Më: 1 maj 2022 Në ora: 11:27
Ditë historike për Tiranën, bardheblutë shpallen kampionë pas 28 vitesh

Tirana ia ka dalë të shpallet kampione e Shqipërisë në volejboll për meshkujt, pasi fitoi ndeshjen e katërt kundër Erzenit me rezultatin 2-3 (23:25; 23-25; 25-21; 25:15; 13;15). Për herë të fundit e kishte fituar në vitin 1994.

Bardheblutë e mbyllën serinë e finaleve në playoff 3-1, por nuk e patën të lehtë edhe pse i kishin fituar dy ndeshjet e para. Shijakasit befasuan pak ditë më parë në kryeqytet dhe sot u munduan ta çonin gjithçka në një finale të madhe në Tiranë.

Gjithsesi djemtë e drejtuar nga Arban Sako nuk ia dolën dot. Tirana, që ka fituar edhe Kupën e Shqipërisë këtë sezon, e nisi mirë dhe i fitoi dy setet e para me rezultatin 25-23.

Pavarësisht kësaj, Erzeni nuk u dorëzua. Ata fituan setin e tretë 25-21 dhe dominuan totalisht në setin e katërt, që përfundoi 25-12.

Gjithçka u barazua në 2-2 me sete dhe seti final ishte i barabartë, deri në 13-13. Më pas Tirana fitoi dy pikët e radhës dhe festoi titullin e dhjetë në historinë e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat