Kosova U22 luan miqësore kundër Shqipërisë

Volejboll

Kosova U22 luan miqësore kundër Shqipërisë

Më: 11 maj 2022 Në ora: 21:55
Kosova

Të premten, Kosova U22 zhvillon miqësore kundër Shqipërisë në Tiranë.

Kombëtarja U22, meshkujt, e Kosovës në volejboll po vazhdon përgatitjet në Gjakovë, para ndeshjeve kualifikuese për Kampionatin Evropian të cilat luhen mes datave 19-22 maj.

Dardanët' e rinj do t'i zhvillojnë të gjitha ndeshjet e Grupit E, kualifikues, në Prishtinë, nën organizimin e Federatës së Volejbollit të Kosovës.

Selektori, Faton Mustafa dhe trajnerët Blendi Haxhikadrija, Fatlum Hajrizi dhe Butrint Bytyqi do të kenë mundësi të shikojnë nga afër gjendjen dhe formën e ekipit në përballjen kundër Shqipërisë, derisa kërkojnë rezultate pozitive në grupin kualifikues për Evropian, ku do të kenë teste të vështira kundër Kombëtareve si Holanda, Azerbajxhani dhe Sllovenia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat