Kombëtarja e Kosovës U22, femrat, udhëtoi sot në mëngjes drejt Bilthovenit të Holandës për Evropianin në Beach Volley
Kontigjenti i Kombëtares së Kosovës në grupmoshën U22, femrat, e përbërë nga dyshja e volejbollisteve Loresa Avdyli/Rinesa Hasani dhe trajneri Edon Ibrahimi u nisën në orët e hershme të mëngjesit drejt qytetit holandez.
Ata do të marrin pjesë në fazën e grupeve të garës më prestigjioze evropiane për këtë grupmoshë sa i përket volejbollit në rërë.
Dyshja kosovare i kishte kryer të gjitha përgatitjet e nevojshme para nisjes, derisa iu nënshtruan sesioneve intensive stërvitore për disa ditë, njofton Federata e Volejbollit e Kosovës.
