Dyshja kosovare, Loresa Avdyli/Rinesa Hasani e drejtuar nga trajneri Edon Ibrahimi, pati punë të vështirë kundër favoritit të Grupit A dhe gjithë Kampionatit Evropian për grupmoshën U22, Holandës - e cila është edhe nikoqire e kompeticionit.
Vashat "Dardane" tentuan të bënin më shumë kundër "tulipaneve" Piersma/Bekhuis, por eventualisht u desh të pajtohen me një disfatë 2-0 (21-12, 21-8) në sete.
Kjo është disfata e dytë e ditës për Kosovën, pas asaj kundër Austrisë më herët.
Përballjen e fundit në kuadër të këtij grupi kualifikues, Avdyli dhe Hasani e zhvillojnë kundër dyshes letoneze Konstantinova/Regute, të premten, me fillim nga ora 20:00.
