Skënderbeu është shpallur kampione e Kosovës për grupmoshën nën 14-vjeç, pas paraqitjeve brilante në rrugëtimin drejt finales, të shtunën pasdite, në Drenas.
Skënderbeu triumfoi me rezultat 2-0 (25:15, 25:23) kundër Feronikelit, në një përballje tejet interesante mes dy ekipeve më të mira të Kosovës në këtë grupmoshë.
"Nikli" ngushtoi dukshëm diferencën e dytë, por Skënderbeu nuk lejoi befasi duke arritur të vë duart mbi titullin e kampionit falë një seti të fituar me diferencë dypikëshe.
Trofeun për kampionët e ndau presidenti i Federatës së Volejbollit të Kosovës (FVK), Bahri Gjinovci.
Medaljet për nënkampionët i ndau Burim Rrahimaj, Kryetar i Këshillit Mbikëqyrës të FVK-së.
FVK uron kampionët e rinj për suksesin dhe përgëzon djelmoshat e rinj nga të dy ekipet për kompetitivitetin sportiv të treguar.
