Një turne për volejbollisten e Kosovës që ishte masakruar nga forcat serbe - Bota Sot
Një turne për volejbollisten e Kosovës që ishte masakruar nga forcat serbe

Volejboll

E martë, 13 nëntor 2018

Një turne për volejbollisten e Kosovës që ishte masakruar nga forcat serbe

Nga: Kemajl Goca Më: 15 tetor 2018 Në ora: 15:13
Kjo fotografi ku shihet Sanija e rrumbullakuar me vijë të bardhë, së bashku me KV Iliria është gjatë muaji tetor të vitit 1994

Periudha e viteve të 90-ta nuk do të shlyhet kurrë nga kujtesa e secilit shqiptar për terrorin që përjetuan nga pushtuesi serb. Në vitin 1998-1999 Kosova përfshihet në flakët e luftës, ku u vranë e u zhduken me mijëra shqiptarë, ndërsa ka pasur edhe shumë sportistë të vrarë.

Sanije Rexhepi njihet për kontributin e dhënë për çështjen kombëtare, duke ndihmuar me mjete medicionale dhe gjëra ushqimore Ushtrinë Çlirimtare të Kosovës (UÇK). Ajo me 2 qershor të vitit 1999 u masakrua nga forcat serbe.  Sanija ka qenë volejbolliste e klubit Iliria nga Lloshkobarja, fshat që gjendet në kilometrin e tretë të qytetit të Ferizajt rrugës për në Prizren. Një emër që duhet të kujtohet dhe nderohet edhe nga institucionet sportive komunale në Ferizaj po ashtu edhe nga Federata e Volejbollit e Kosovës.

Duhet të mbajmë turneun përkujtimor për çdo vit në shenjë të nderimit të Dëshmores dhe ish volejbollistes tonë. Ajo kontribuoi shumë për çështjen kombëtare dhe sot FVK-ja ja ka borxh që çdo vit të organizojë turneun e volejbollit për Sanijen. Ta kujtojmë, se kjo fotografi ku shihet Sanija e rrumbullakuar me vijë të bardhë, së bashku me KV Iliria është gjatë muaji tetor të vitit 1994.

Sot mund të lexoni Shfletoni kopertinat
Sondazh
test