Driton Kuka, trajneri më i mirë në shqiptari, ka shprehur disa nga brengat që e preokupojnë sportin në përgjithësi të Kosovës. Përzgjedhësi i kombëtares së Kosovës në xhudo, ka një këshillë. “Duke analizuar sukseset dhe rezultatet e 2018 po shoh shumë komente e pakënaqësi të shumë prindërve e aty këtu edhe ndonjë trajneri se si ka pas padrejtësi për fëmijët e tyre për Zgjedhje në mesin e më të mirëve në Komuna, Federata etj.!
Një këshillë për prind e sidomos për trajnerët e grupmoshave të reja: Fëmijët në sport deri në moshën 12 vjeçare duhet të luajnë, zbaviten dhe edukohen në radhë të parë!
Mosha 12-15 të fillohet puna serioze por në aspektin teknik dhe taktik si dhe zhvillimi i elementeve psikomotorike për sporte specifike e gara duhet të ketë por assesi të ngarkohen me imperativin e medaljeve e assesi të ju krijohet ndjesia e “Kampionëve” në atë moshë!
Pas moshës 15 vjeçare puna fillon me seriozitet dhe përkushtim, me sistem të punës me qëllim të qartë për rezultate e prezantim dinjitoz.
Sa e di unë në Kampionatet Evropiane dhe Lojërat Olimpike për të rinj U18 e krejt Kosova në të gjitha Sportet Olimpike e ka vetëm një medaliste, prandaj kjo situatë është për alarm!!!
Shtytje për të shkruar diçka të tillë ishte një status i Alban Bellopojës për një problem të tillë edhe në futboll, e ky problem është shumëfish më i madh në sporte individuale!
Leni fëmijët nëpërmes sportit të zbaviten e edukohen, kjo është qëllimi i parë e me kohë të punohet për rezultate!”, shkruan Kuka.,
